អភិបាលខេត្តបានដឹកនាំមន្ត្រីក្រោមឱវាទចុះសួរសុខទុក្ខ និងនាំយកអំណោយជូនកម្លាំងឈរជើងទប់ស្កាត់បទល្មើសបឹងទន្លេសាប
បន្ទាយមានជ័យ៖ អភិបាលខេត្តបានដឹកនាំមន្ត្រីក្រោមឱវាទចុះសួរសុខទុក្ខនិងនាំយកអំណោយជូនកម្លាំងឈរជើងទប់ស្កាត់បទល្មើសបឹងទន្លេសាបនៅថ្ងៃទី០៧ ខែឧសភា ឆ្នាំ២០២៥។
ក្នុងឱកាសដែលជួបសំណេះសំណាលសួរសុខទុក្ខមានឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមន្ត្រីរាជការជាច្រើនរូប។
លោកឧត្តមសេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិភាគទី៥ និងជាប្រធានគណៈបញ្ជាការដឹកនាំបង្ក្រាបបទល្មើសនេសាទបឹងទន្លេសាបបានមានប្រសាសន៍ថ្លែងអំណរគុណចំពោះឯកឧត្តម អភិបាលខេត្តបន្ទាយមានជ័យដែលបានចុះសួរសុខទុក្ខកងកម្លាំងកងពលតូចថ្មើរជើងលេខ៥១ និងកម្លាំងតំបន់ប្រតិបត្តិការសឹករងខេត្តបន្ទាយមានជ័យ ដែលកំពុងឈរជើងទប់ស្កាត់ និងបង្ក្រាបបទល្មើសលើផ្ទៃបឹងទន្លេសាបក្នុងភូមិសាស្ត្រខេត្តពោធិ៍សាត់ ខេត្តបាត់ដំបង ខេត្តសៀមរាប។
ឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ និងឯកឧត្តម អ៊ុំ រាត្រី អភិបាលខេត្តបន្ទាយមានជ័យបានមានប្រសាសន៍កោតសរសើរចំពោះកងកម្លាំងយោធភូមិទី៥ ដែលកំពុងឈជើងការពារទប់ស្កាត់និងបង្ក្រាបបទល្មើសលើផ្ទៃបឹងទន្លេសាប ក្នុងឱកាសដែលចុះសួរសុខទុក្ខរដ្ឋបាលខេត្តបន្ទាយមានជ័យ បាននាំយកអំណោយប្រគល់មានគ្រឿងបរិភោគជាច្រើនមុខ៕
